Home WARARKA XOG BUUXDA: Haweeneyda Jarmalka ee laga Afduubtay Muqdisho oo la ogaaday Meesha...

XOG BUUXDA: Haweeneyda Jarmalka ee laga Afduubtay Muqdisho oo la ogaaday Meesha lagu hayo

0
SHARE

Haweenayda u dhalatay dalka Jarmalka ee Muqdisho laga afduubtay ayaa la sheegay in lagu haysto Gobolka Mudug ee Bartamaha Somaliya.

Haweenaydaan ayaa wararka waxa ay sheegayaan in dableyda hubaysan ay ku haystaan deegaan 5 KM u jira Degmada Hobyo.

Nin ka mid ah dadka deegaanka oo lagu magacaabo Cali Aadan ayaa Warbaahinta u sheegay dableyda hubaysan oo gaaraya illaa 10 ruux inay haystaan haweenaydaan.

Wuxuu sheegay meel godad iyo buuro dhexdooda ah inay ku haystaan haweenayda islamarkaana halkaasi ay ka dhisteen teendhooyin.

Ragga afduubtay haweenaydaan ayaa la sheegay inay yihiin qaar ka mid ah illaalo ka diiwaangashnaa xarunta ICRC ay ku leedahay laamiyaraha Zoobe.

Kooxaha hubaysan ee haweenaydaan afdubtay ayaa la sheegayaa inay doonayaan lacag madax furasho ah.

Nagala Soo Xiriir Warqaadteam@gmail.com

SHARE