Gudoomiyaha Baarlamaanka Hirshabelle oo hakiyay shaqo muhiim u ah doorashada Aqalka Sare+Sababta

0

Guddoomiyaha Baarlamanka Hirshabelle C/xakiim Luqmaan ayaa la sheegay inuu hakiyay Magacaabida Xubnaha Guddiga qabanaya doorashada Aqalka Sare ee maamulkaas.

Sababaha uu u hakiyay magacaabida guddiga ayaa la xiriirta Baasaboorka Diblomaasiga oo loo diiday Xildhibaanada Baarlamaanka Hirshabelle sida laga soo xigtay ilo ku dhow dhow Xafiiska Guddoomiyaha.

Puntland, Galmudug iyo Hirshabeele ayaan weli soo magacaabin xubnaha Guddiga qabanaya doorashada Aqalka Sare, halka Maamulada Jubbaland iyo Koonfur Galbeed ay shaaciyeen magacyada xubnaha gudiyadda doorashada aqalka sare.

Weli ma cadda sida looga gudbayo caqabada jirta iyo xiliga uu Guddoonka Baarlamanka Hirshabelle soo Magacaabayo xubnaha Guddiga qabanaya doorashada xubnaha Aqalka Sare ee Somalia.

Dhanka kale waxaa lugooyadan qeyb ka ah maamulka waqtigiisa dhamaaday ee Maxamed Farmaajo uu gacan saar fiican la leh Hirshabelle.

Muqdisho-Somalia