Home WARARKA Arrimo Lama filaan kugu noqon doona oo lagu arkay doorashadii ka dhacday...

Arrimo Lama filaan kugu noqon doona oo lagu arkay doorashadii ka dhacday Puntland

0
SHARE

Doorashadii Maalin ka horĀ  ka dhacday magaalada Garowe ayaa aheyd mid cajiib ah oo ka duwan doorashooyinkii ka dhici jiray magaalada Garowe ee caasimada maamulka Puntland.

Doorashadaan ayaa waxyaabaha laga diiwaan geliyay waxaa kamid ahaa in dad u dhashay deegaanka ay dalalka dibadda kaga yimaadeen doorashada darteed, waxaana kamid ahaa dhalinyaro doorashada darteed kaga yimid dalka Mareykanka.

Arimaha kale ee cajiib lahaa ee laga diiwaan geliyay doorashadii ka dhacday magaalada Garowe ayaa ahaa in gaadiid badan iyo dad badan ay ku sugnaayeen magaalada, iyadoo maalintii doorashada ay ka mashquul badneyd magaalada Garowe maalmaha kale ee caadiga ah.

Goobaha laga cunteeyo aad ayay u adkeyd in dadka qaar ay helaan fursad ay ku cunteeyaan, maadaama mashquulka dadweynaha uu aad u badnaa, waxaana arinta ay timid markii dad aad u badan ay tageen magaalada Garowe.

Arimaha kale ee layaabka lahaa ee laga diiwaan galiyay doorashadii Puntland ayaa ahaa in dad u dhow goobta doorashada ka dhaceysay ay shaashada kaliya kala socdeen doorashada iyo codeynta xildhibaanada.

Dadka ku sugan magaalada Garowe ayaa sheegaya inay sugayaan shan sano kadib inay shaashada ka daawan doonaan doorashada xigta iyo inay fursad u heli doonaan inay iyaga codeeyaan.

Nagala Soo Xiriir Warqaadteam@gmail.com

SHARE